Хутка – празь дзень ці праз тыдзень –
Восень дажджлівая прыйдзе
Яблыкі ў садзе атрэсьці,
Выбраць цыбулю ў гародзе,
Пошту, загразлую дзесьці,
Перахапіць у дарозе,
Потым мяне непакоіць:
– Бачыш, адны мы з табою...
Можа, таму я заўсёды
У лістапад, непагоду
Рана выходжу на Нарач,
Дзе чуцен рокат прыбою,
Або ў спрадвечных гушчарах
Слухаю пошумы хвояў –
Хвалі і дрэвы ня знаюць
I ў навальніцы адчаю.
1960
|
|
